Քանի որ տիեզերքն անսահման է, որքան էլ զարգանա տիեզերագնացությունն ու գիտությունը, միևնույն է, այն դեռ մեծապես բացահայտված չէ։ Տիեզերքը երբեք հնարավոր չէ մինչև վերջ ուսումնասիրել ու բացահայտել, և գուցե հենց դա է այն դարձնում այսքան գրավիչ ու հետաքրքրաշարժ բոլորի համար: Մարդիկ տարիներ են անցկացնում՝ հասկանալու համար տիեզերքի մի չնչին մասի առանձնահատկությունները, և նվիրում են իրենց ամբողջ կյանքն այս ոլորտի ուսումնասիրությանը: Տիեզերքը կազմված է աստղերից, գալակտիկաներից և մոլորակներից։
Ես առանձնացրել եմ 15 հետաքրքիր փաստ տիեզերքի մասին:
Գիտեի՞ք որ
1. Արևը մեր Երկիր մոլորակից մեծ է 300 000 անգամ:
2. Եթե մենք փորձենք գոռալ տիեզերքում, ոչ ոք մեզ չի լսի, քանի որ այնտեղ մթնոլորտ չկա, հետևաբար ձայնը չի տարածվի: Նույնիսկ եթե կրակեք տիեզերքում, ձեր կողքի կանգնածը կրկին չի լսի դրա ձայնը:
3. Յուպիտերն այնքան մեծ է, որ իր ներսում կտեղավորվեն հազարավոր Երկիր մոլորակներ: Դրա վրա կտեղավորվեն նաև Արեգակնային համակարգի բոլոր մնացած մոլորակները, քանի որ այն համակարգի ամենամեծ մոլորակն է:
4. Որքան մեծ է աստղի չափը, այնքան կարճ է նրա կյանքի տևողությունը:
5. Մարդկությանը հայտնի աստղերից ամենատաքը կոչվում է Ատրճանակ: Նրա արձակած արևային քամին 10 միլիարդ անգամ ուժեղ է Արևի արձակած քամուց:
6. Որքան էլ տարօրինակ թվա, բայց ամենասառը աստղերը կարմիր գույն ունեն, իսկ ամենատաքերը՝ երկնագույն:
7. Առաջինը տիեզերանավից բաց տիեզերք է դուրս եկել Գեորգի Գրեչկոն՝ այնտեղ անցկացնելով 23 րոպե 41 վայրկյան, ու հետո դժվարությամբ է կարողացալ ներս մտնել, քանի որ սաղավարտը զգալի ուռել ու մեծացել էր չափերով:
8. Իսկ բաց տիեզերքում ամենաշատն անցկացրած ժամանակի ռեկորդը պատկանում է ԱնԱԱԱտոլի Սոլովյովին, որն այնտեղ հայտնվել է 16 անգամ՝ ընդհանուր առմամբ 82 ժամ 22 րոպեով:
9. Առաջինը Լուսնի վրա ոտք դրած տիեզերագնացը Նիլ Արմսթրոնգն էր, որը այդ նպատակի իրականացմանը պատրաստվել էր 10 տարի:
10. Տիեզերագնացների սննդի մեծ մասը հեղուկ, ավելի ճիշտ՝ գելային տեսքով է և պահպանվում է ատամի մածուկի տարային նմանվող ամանների մեջ:
11. Պարզվում է՝ լուսնի մակերևույթին թողած հետքերը հավերժ պահպանվում են, իհարկե, եթե արտաքին ազդակները դրան չխանգարեն: Այդպիսին կարող է լինել օրինակ երկնաքարը: Ի դեպ, ամեն տարի լուսինը Երկրից հեռանում է 3,8 սանտիմետրով։
12. 2004 թվականին աստղագետները հայտնաբերեցին մի աստղ, այն ամբողջովին ադամանդներից է կազմված: Այս աստղի երկարությունը 38 624 կմ է: Այն կազմված է 10 միլիարդ տրիլիոն տրիլիոն կարատից: Այն 50 լուսնային տարով հեռու է Երկրից։
13. Լայկա շունը առաջին երկրային արարածն էր, ով ճանապարհորդեց տիեզերք 1957 թվականին։ Այդ ժամանակ նա 3 տարեկան էր։
14. Վեներայի վրա մեկ տարին հավասար է Երկրի 224 օրվան, սակայն 1 օրը՝ Երկրի 243 օրվան: Այսինքն՝ այս մոլորակն Արեգակի շուրջն ավելի արագ է պտտվում, քան Երկիրը, մինչդեռ իր առանցքի շուրջը՝ 243 անգամ ավելի դանդաղ։
15. Տիեզերագնացների համար կրկին Երկիր մոլորակ գալը կարելի է համարել վերածնունդ. բանն այն է, որ տիեզերքից վերադառնալուց հետո նրանք մեծ դժվարությամբ են կարողանում շարժվել։